اليوم بداية السنة الفينيقية اللبنانية، اول السنة متل ما كان معمول ع اساسها كوكب الأرض تاريخياً عند بعض الشعوب اللي اقتبست منا العيد وسموه الأكيتو. وهو رأس السنة الفينيقية ومنكون بكرا نحن ببداية سنة 6775 بالتقويم الفينيقي، ويللي إنتشر بالعالم القديم وضل معمول ع هيدا التقويم لآلاف السنين.
ولكن للأسف تم تحويله إلى كذبة الأول من نيسان وتم طمسه وطمس حقيقته فمن حوالي 6775 سنة كانت بداية البشرية الأخيرة والأول نيسان بداية الحياة على كوكب الأرض ويللي بيصادف أول الربيع والربيع هو فصل الولادة وتتفتح فيه الأزهار وتنولد الحياة من جديد من سنة جديدة وأول برج فلكي فيه هو الحمل ويللي بيكون فيه الولادة بعد الحمل ومنلاحظ السنة الفلكية بتبدأ بهيدا التاريخ.
وهي تاريخ قيامة ادونيس حسب الأسطورة بعد ما تحول دمو لزهور شقائق النعمان ويللي نادراً نلاقيها بغير لبنان ويللي يتم الاحتفال فيها بنهر ادونيس ويلي تحرف اسمو لنهر ابراهيم والنهر شاهد لليوم كيف بيتحول للون الأحمر بكل ذكرى مقتل ادونيس منل ما بتقول الأسطورة !
عيد تم التعتيم عليه متل ما حكيت عنو سابقاً ويللي أصلو فينيقي كما تم التعتيم على أشياء كثيرة بتخص الحضارة الفينيقية وسلبها لغيره فكل عام وأنتم بألف خير لسنة جديدة بتبلش بكرا وبيحتفل فيها الليلة براس السنة الفينيقية
رشاد ياغي
حركة لبنانيو فينيقيا
